A2F arkitektar var stofnað í Reykjavík árið 2010. Eigendur eru Aðalheiður Atladóttir, arkitekt FAÍ og Falk Krüger, arkitekt FAÍ AKB. Árið 2014, stofnuðu þau ásamt Filip Nosek, arkitekt AKB, fyrirtæki undir sama merki í Berlín, Þýskalandi. Filip Nosek er framkvæmdastjóri í Berlín, Aðalheiður Atladóttir er framkvæmdastjóri í Reykjavík. Samstarf Aðalheiðar, Falks og Filips, nær aftur til námsáranna, en þau hafa einnig unnið saman að ýmsum verkefnum saman eftir útskrift. Árið 2010 urðu tímamót þegar þau unnu til fyrstu verðlauna í samkeppni um hönnun Framhaldsskóllans í Mosfellsbæ. Í kjölfarið stofnuðu þau fyrirtækið á Íslandi sem hefur vaxið og þróast síðan. Árið 2014 unnu þau til fyrstu verðlauna um hönnun menningarmiðstöðvar og fjölnotasalar við grunnskóla í N-Þýskalandi. Þá stofnuðu þau fyrirtækið A2F Architekten, sem hefur haft aðsetur í Berlín síðan.

Vinnulag og framleiðsluferli
Verkefni A2F arkitekta eru fjölbreytt, allt frá innanhúss- og mannvirkjahönnun og til borgarskipulags; þátttaka í sýningum, málþingum og fyrirlestrum og kennsla á ýmsum sviðum arkitektúrs. Fyrirtækið leggur áherslu á þverfagleg vinnubrögð og vinnur þétt saman með verkkaupa og verktaka að því að finna bestu mögulega lausn hverju sinni. Það hefur jákvæð áhrif á rekstraðarkostnað, umhverfis- og rýmisgæði og notkunargildi mannvirkja.

Skipulag og sérstaða
A2F arkitektar leggja áherslu á að finna lausnir miðaðar við þarfir verkkaupa og að þróa rými sem búa yfir einstökum gæðum, í smáum jafnt sem stórum skala. Vistvæn hönnun og orkusparnaður í byggingum eru höfð að leiðarljósi. Fyrirtækið hefur aflað sér þekkingar og reynslu í umhverfisvottun, en Framhaldsskólinn í Mosfellsbæ er t.d. BREEAM vottaður og er byggingin ein sú fyrsta á Íslandi sem hefur fengið þá vottun. A2F arkitektar nota aðferðarfræðina BIM (Building Information Modelling = upplýsingatækni í mannvirkjahönnun) í verkefnum sínum.

Framtíðarsýn
A2F arkitektar er framsækin og kraftmikil arkitektastofa með víðtæka reynslu í hönnun mannvirkja. Faglegur metnaður er ávallt hafður að leiðarljósi til þess að tryggja hönnun í hæsta gæðaflokki fyrir viðskiptavini. Umhverfismál og þverfaglegt samstarf eru í hávegum höfð. Lögð er áhersla á að þróa vistvænar lausnir og efnisnotkun í samstarfi við íslenskan byggingariðnað hverju sinni.

Aðsetur og starfsmannafjöldi
A2F arkitektar er með aðsetur, annars vegar að Laugavegi 178 í Reykjavík og hins vegar í norðaustur hluta Berlínar; Langhansstraße 123, 13086 Berlin.
Í Reykjavík er starfsmannafjöldi að jafnaði 4 til 6, í Þýskalandi starfa að jafnaði 3 til 5 starfsmenn.