[searchwp_form id=3]
Bílahöllin – Bílaryðvörn hefur á undanförnum árum haldið áfram að styrkja stöðu sína sem traustur aðili í þjónustu fyrir bíleigendur á Íslandi. Fyrirtækið býður upp á heildarlausnir sem fela í sér ryðvarnarmeðferð með hágæða efnum sem vernda bíla gegn íslenskum veðuraðstæðum, auk reglulegs viðhalds til að lengja endingartíma. Samhliða ryðvörn hefur fyrirtækið þróað sérhæfða heithúðun fyrir pallbíla, kerrur og slitfleti, með fjölbreyttum áferðum og litum sem henta mismunandi þörfum. Bílahöllin rekur einnig bílasölu og leggur áherslu á fagmennsku, gæði og persónulega ráðgjöf. Með rótgróinni reynslu og stöðugri þjónustu hefur fyrirtækið byggt upp traust og tryggt að bíleigendur fái áreiðanlega vernd og lausnir sem skila árangri.
Eigendur Rúnar Jónsson, Jón R. Ragnarsson og Baldur Jónsson.
Lykill að góðri ryðvörn er góður undirvagnsþvottur.
Ryðvarinn undirvagn.
Upphaflega hét fyrirtækið Bílaryðvörn hf. og var til húsa í Skeifunni 17. Það var stofnað í júlí 1970 af Jóni Rúnari Ragnarssyni, Birni Jóhannesyni og fleirum. Tilgangur þess fólst í nafninu, það sá um að ryðverja bíla og sú starfsemi er enn grundvallarþáttur í rekstrinum og hefur lítið breyst.
Starfsemin
Til að byrja með var ryðvarið með efni sem hét Tectyl, en í byrjun 9. áratugarins var skipt yfir í sænskt efni sem heitir Dinitrol, það eru úrvals hágæða efni og því hefur fyrirtækið haldið sig við það síðan. Af því eru fjórar tegundir fitu og vaxefna notaðar eftir því hvort efnið fer inn í lokuð holrými eins og hurðir, dyrastafi,vélahlíf og eða yfir botna sem verða fyrir ágjöf frá veginum. Ef vel á að vera þurfa bílar á Íslandi ryðvörn á þriggja til fjögurra ára fresti.
Bílahöllin bílasala hefur verið með öflugri bílasölum landsins og er þekkt fyrir vönduð, heiðarleg og góð vinnubrögð. Einnig er fyrirtækið stærst á markaði er kemur að heithúðun palla á pallbílum.
Eigendur
Framkvæmdastjórinn á þeim tíma, Jón Rúnar, er rakarameistari í grunninn og hélt afram að starfa við það fag fyrstu árin sem hann rak Bílaryðvörn, en hártíska karlmanna á þeim tíma var rökurum ekki hliðholl t.d. á þessum tíma Bítlaæðis, og þar kom að hann sneri sér alfarið að rekstri fyrirtækisins.
Fyrsta áratug þessarar aldar keyptu Jón Rúnar og synir hans, Rúnar og Baldur, sem báðir hófu störf hjá fyrirtækinu er þeir voru á fermingaraldri, og á síðustu árum hafa þeir feðgar verið að kaupa aðra hluthafa út úr rekstrinum og eru nú eigendur fyrirtækisinns. Nú er Jón Rúnar stjórnarformaður Bílahallarinnar – Bílaryðvörn og synirnir Rúnar og Baldur framkvæmdastjórar. Fyrirtækið varð fimmtugt árið 2020 og er elsta fyrirtæki í bílaryðvörn á Íslandi.
Aðsetur og mannauður
Árið 1990 flutti Bílaryðvörn úr Skeifunni í eigið húsnæði að Bíldshöfða 5, þar sem starfseminn er í dag. Fyrirtækið byggði húsnæðið það stórt að það rúmaði meira en ryðvörnina. Þá kom bílasalan til sögunnar og nafnið breyttist í Bílahöllin-Bílaryðvörn en hélt sömu kennitölu. Í dag eru 14 -16 manns sem vinna þar í báðum deildum. Fyrirtækið hefur verið heppið með starfsmenn og tekist vel að halda í þá. Dæmi eru um þeir hafi verið í 40 ár, eða til loka starfsævi. Kjarninn er sterkur og þegar mesta törnin er í ryðvörninni á sumrin koma ungir menn í skólafríum og láta muna um sig.
Spyrja má hvað sé gert til að halda mannskap. Svarið er að reyna að gera aðeins betur við hann í launum en taxtarnir gera ráð fyrir og búa vel að honum. Liður í því er skapa góða aðstöðu á staðnum, ekki veitir af í þessum bransa því vinnan við ryðvörnina er óþrifaleg.
Árið 1990 sóttu Jón og félagar um lóð og fengu úthlutað Bíldshöfða 5 þar sem þeir byggðu nýtt hús á einu ári. Þetta var stórt hús svo það var talið upplagt að bæta bílasölu við reksturinn sem fékk nafnið Bílahöllin. Jón keypti félaga sína út úr fyrirtækinu 2006 og er hann enn stjórnarformaður þar.
Bílaryðvörn hf. var til húsa í Skeifunni 17. Það var stofnað í júlí 1970 af Jóni Rúnari Ragnarssyni, Birni Jóhannesyni og fleirum. Tilgangur þess fólst í nafninu, það sá um að ryðverja bíla. Í dag er einnig er boðið upp á heithúðun fyrir pallbíla, hestakerrur og fleira.
Í dag starfar Jón Ragnarsson þar ásamt sonum sínum tveimur, Baldri og Rúnari.
Bílahöllin – Bílaryðvörn
Atvinnugreinar
Upplýsingar
Lesa bókina
