Bílalökkun Kópsson ehf

Bílalökkun Kópsson sérhæfir sig í bílamálun og bifreiðaréttingum og þjónusta þau öll tryggingarfélög á landinu með tjónaskoðanir, viðhald, sérpantanir aukahluta og breytingar. Þar að auki veita þeir viðskiptavinum leigubíla á meðan viðgerðir eru í gangi og vinna þar að auki eftir 5 stjörnu stöðlum frá BGS og Sjóvá.

Bilalökkun Kópsson ehf. er umhverfisvænt málningar- og réttingaverkstæði staðsett að Völuteigi 11, 270 Mosfellsbæ. Fyrirtækið Bílalökkun var stofnað í janúar 1973 og var í eigu sömu fjölskyldu alla tíð eða þar til 2004 þegar núverandi eigandi keypti reksturinn. Hélt hann áfram því góða starfi sem unnið hafði verið, ásamt því að uppfæra og bæta húsa- og tækjakost til muna. Fyrirtækið var alla tíð starfrækt í Smiðjuhverfi í Kópavogi, fyrstu áratugina að Skemmuvegi 6 og svo einnig með viðbótarhúsnæði sökum mikilla anna að Smiðjuvegi 68 Kópavogi. En breyting varð þar á í lok árs 2019 þegar reksturinn flutti í byrjun árs 2020 inn í kjarna Mosfellsbæjar. Árið 2020 var allur tækjakostur fyrirtækisins einning endurnýjaður ásamt því að fjárfest var í nýju stærra og stórglæsilegu húsnæði að Völuteig 11 í  Mosfellsbæ. Fyrirtækið er því gríðarlega vel tækjum búið í dag þar sem einnig var kappkostað að gera það eins umhverfisvænt hægt var. Sem dæmi þá notum við nú nýja fullkomna og vatnskynta málningarklefa ásamt því að öll lýsing, hvort sem að utan og eða innanhúss er nú LED vædd. Þá voru tveir nýjir réttingabekkir frá Car-Oliner teknir í notkun. Allt sorp og úrgangur hverskonar fer í gegnum flokkun eftir ströngustu gæðakröfum með tilliti til minkandi mengunnar.

Starfsemin
Fyrirtækið hefur í seinni tíð verið ansi stórtækt í hverskonar Custom breytingum á bifreiðum jafnt og á jeppum og skapað sér gott nafn og mikla sérstöðu á þeim markaði. Mikið er lagt uppúr innflutningi á varahlutum og öllu öðru er viðkemur aukahlutum og varahlutum allmennt, ásamt felgum og dekkjum er varða breytingar bifreiða sem í vinnslu er hverju sinni.

Umhverfismál
Fyrirtækið er í fararbroddi þegar kemur að annarsvegar húsakosti, tækjakosti og hin stranga umhverfisstefna sem unnið er eftir, með tilliti til mengunar enda unnið eftir ströngum gæðakröfum með náttúruna og verndun hennar að leiðarljósi.

Eigandi og starfsfólk
Framkvæmdastjóri og eigandi er Brynjar Smári Þorgeirsson, sem er bæði með sveinspróf og meistararéttindi í bílamálun sem og bifreiðasmíði og hefur hann unnið við fagið óslitið, sem og rekstur verkstæða síðan snemma árs 1996. Hjá fyrirtækinu starfa að jafnaði um 8 manns og eru allir faglærðir, bæði bifreiðasmiðir og bílamálarar, ásamt nemum í greininni, verðandi reynsluboltar í bransanum.

Vottanir
Bílalökkun Kópsson er í dag bæði með 5 stjörnu vottun Sjóvá Almennra og BGS vottun Bílgreina-sambandsins ásamt því að vera meðlimur í FRM félagi réttingar- og málningarverkstæða. Þjónusta er við öll tryggingarfélög landsins ásamt nokkrum af stærri bílaumboðum landsins.