[searchwp_form id=3]
Frá 2024 og fram á 2025 hélt fyrirtækið áfram að þróa vörulínuna og efla þjónustu. Reglulegar uppfærslur á vöruframboði sýndu að Búvís var í stöðugum tengslum við markaðinn og svaraði síbreytilegum þörfum bænda. Nýjar vélar, betri lausnir í heyvinnu og aukin áhersla á fjölbreyttan búnað urðu áberandi í rekstrinum. Auk þess hélt fyrirtækið áfram að byggja upp sterka stöðu í söluneti með öflugri þjónustu og ráðgjöf um allt land.
Í dag stendur Búvís ehf. sem eitt af mikilvægustu fyrirtækjum innan landbúnaðargeirans á Íslandi, með öflugt vöruúrval, traust tengsl við bændur og skýra stöðu sem samkeppnisdrifinn þjónustuaðili. Síðustu fimm ár hafa þannig markast af vexti, auknum umsvifum og því að fyrirtækið hefur fest sig enn betur í sessi sem lykilaðili í aðföngum til íslensks landbúnaðar.
Samkeppniseftirlitið ákvað að ógilda kaup Skeljungs á Búvís. Í úrlausn þess kom fram að Búvís gegndi mikilvægu hlutverki í að tryggja samkeppni á markaði fyrir áburð og að yfirtakan hefði getað dregið úr samkeppni og valdið bændum hærri kostnaði. Með þessari niðurstöðu var staðfest að fyrirtækið gegnir lykilhlutverki í aðgengi bænda að hagstæðum aðföngum og að starfsemi þess hafi haft jákvæð áhrif á verðlag og framboð undanfarin ár.
Fram til 2023 jukust umsvif fyrirtækisins enn frekar. Áburðarverðskráir voru birtar árlega og mikil eftirspurn eftir áburði og öðrum innflutningsvörum leiddi til þess að Búvís hvatti viðskiptavini til að panta tímanlega til að tryggja afhendingu fyrir vorið. Árið einkenndist einnig af fjölbreyttum innflutningi á nýjum tækjum, svo sem sláttuvélum, rakstrarvélum, áburðardreifurum og búnaði fyrir sauðfjárbúskap. Búvís varð þannig enn sýnilegra sem þjónustuaðili fyrir bændur um allt land.
Árið 2023 varð síðan stórt skref þegar tilkynnt var um fyrirhuguð kaup Skeljungs á Búvís ehf. Kaupsamningur var undirritaður, en samkvæmt lögum þurfti að fá samþykki Samkeppniseftirlitsins fyrir samrunanum. Þetta mál dró að sér mikla athygli í landbúnaðargeiranum þar sem Búvís hafði lengi verið talinn mikilvægur keppinautur á innflutnings- og áburðarmarkaði.
Búvís tekur reglulega á móti ýmsum hópum sem vilja kynnast starfsemi fyrirtækisins.
Búvís hefur þétt riðið net umboðsmanna um allt land og geta viðskiptavinir fyrirtækisins í nágrenni umboðsmannanna nálgast hjá þeim árstíðabundnar rekstrarvörur eins og rúlluplast og net auk þess sem áburður er til afgreiðslu hjá mörgum þeirra.
Toni og Einar.
Starfsmenn Búvís.
10 ára afmælisfögnuður.
Búvís dreifir plasti og öðrum vörum til bænda eða umboðsmanna á eigin bílum. Hér er Gunnar að hlaða bíl af rúlluplasti.
Listaverk á húsvegg.
Um árabil hefur Búvís flutt inn áburð og eru ferðir áburðarskipanna nýttar til að flytja inn aðrar vörur fyrir bændur eins og vélar ýmisskonar, girðingarefni, kerrur, vagna og fleira. Þetta er að mörgu leyti grunnurinn að því góða verði sem Búvís býður viðskiptavinum sínum.
Búvís var stofnað 2006 en í um það bil 2 ár áður höfðu eigendur þess verið að flytja inn og selja vörur til bænda undir nafninu Lambás sem er fyrirtæki sem Gunnar Guðmundarson í Sveinungsvík í Þistilfirði var með fyrir sinn búrekstur, en ásamt honum er Einar bróðir hans eigandi Búvís.
Starfsemin
Þjónusta við bændur hefur frá upphafi verið meginstoð félagsins sem hefur sérhæft sig í sölu og þjónustu búvéla sem og sölu á ýmis konar rekstaravöru svo sem áburði, rúlluplasti og rúlluneti.
Búvís fékk strax frábærar viðtökur frá viðskiptavinum sem kunnu vel að meta vörulínu félagsins, hagstæð verð og framúrskarandi þjónustu sem félagið veitti þrátt fyrir litla yfirbyggingu þess. Færa má sterk rök fyrir því að innkoma Búvís inn á áburðarmarkaðinn hafi verið til mikilla hagsbóta fyrir bændur en með tilkomu þess sáu þeir þennan stóra kostnaðarlið sinn snarlækka. Þessari verðstefnu hefur Búvís fylgt æ síðan.
Aðsetur
Fyrstu árin var Búvís til húsa í bílskúr Einars og að heimili Gunnars í Sveinungsvík í Þistilfirði en árið 2012 var ráðist í byggingu 878 fermetra húsnæðis að Grímseyjargötu 1 á Akureyri þar sem félagið er enn til húsa. Með nýju húsnæði varð félagið sýnilegra en áður og um leið var vörulína félagsins enn breikkuð. Í dag má segja að í Búvís finni bændur nánast allt sem þarf til góðs búrekstrar. Hjá félaginu starfa nú 6 manns en auk þeirra heldur félagið út þéttu 25 manna umboðsmannaneti um allt land. Í sumar mun Búvís byggja enn stærra húsnæði í takti við aukin umsvif og mun það rísa á næstu lóð við hlið núverandi húsnæðis.
Viðurkenningar
Búvís hefur í mörg ár verið á lista Creditinfo yfir fyrirmyndafyrirtæki og árið 2018 fékk félagið Hvatningarverðlaun Búnaðarsambands Eyjafjarðar.
Vörur
Helstu vörur sem félagið býður upp á eru Rauch áburðardreifarar, Plamse malar-korn-rúllu-vélaflutningavagnar, Samasz heyvinnuvélar og vetrarvörur, rúlluplast frá Rani, Aspla og Barbier, rúllunet frá TAMA og Total cover, Búvís áburð, MAJOR haugsugur, Metal-Fach taðvagna og ýmsar vörur við ámoksturstæki, Tianil dráttarvéladekk og Kranzle háþrýstidælur.
Búvís ehf.
Atvinnugreinar
Upplýsingar
Lesa bókina
