[searchwp_form id=3]
Controlant hefur á síðustu árum styrkt stöðu sína sem leiðandi fyrirtæki í rauntíma eftirliti kuldaleiða fyrir lyfja- og líftæknigeirann. Fyrirtækið hefur tryggt sér verulega fjármögnun í nokkrum umferðum, þróað nýja lausn, Saga Card, og aukið samstarf við alþjóðlega aðila. Tekjur hafa vaxið hratt, en jafnframt hefur verið unnið að hagræðingu og einföldun rekstrar til að ná hagnaði fyrir lok árs 2025. Umhverfisstefna hefur verið efld, og fyrirtækið hlaut viðurkenningu þegar það komst í úrslit í Supply Chain Excellence Awards 2025. Controlant er nú í lykilstöðu til að leiða nýsköpun í kuldaleiðum og sjálfbærum lausnum á heimsvísu.
Framkvæmdastjórn Controlant á 15 ára afmælisári félagsins 2022. Frá vinstri: Martin Thaysen, Guðmundur Árnason, Vallý Helgadóttir, Gísli Herjólfsson ,Elín María Björnsdóttir, Erlingur Brynjúlfsson og Anna Karlsdóttir.
Gísli Herjólfsson, forstjori Controlant tekur við Útflutningsverðlaunum forseta Íslands árið 2021 á Bessastöðun frá Guðna Th Jóhannessyni, forseta.
Upphaf Controlant má rekja til verkfræðideildar Háskóla Íslands þar sem leiðir Gísla Herjólfssonar og Erlings Brynjúlfssonar lágu saman.
Lausn Controlant er þrískipt og skiptist í skynjara, hugbúnað og þjónustu. Skynjarinn er þráðlaus og sendir upplýsingar í rauntíma um gæði og staðsetningu vörunnar í hugbúnaðarlausn Controlant sem gerir viðskiptavinunum kleift að nálgast gögn í rauntíma. Auk þessa býður Controlant upp á vöktunarþjónustu svo hægt sé að fylgjast með flutningi vörunnar í rauntíma og grípa inn í ef þörf er á.
Stofnendur Controlant taka við Nýsköpunarverðlaunum Íslands árið 2020.
Controlant er framsækið hátæknifyrirtæki sem sérhæfir sig í tæknilausnum sem tryggja gæði viðkvæmra vara í flutningi og draga úr sóun á lyfjum og matvælum.
Controlant var stofnað árið 2007 en rætur þess má rekja til samstarfs og vináttu frumkvöðla sem kynntust í verkfræðideild Háskóla Íslands nokkrum árum fyrr. Frumkvöðlarnir fengu vini sína til liðs við sig og stofnuðu þeir fimm saman fyrirtækið Controlant árið 2007.
Saga Controlant hófst í Háskóla Íslands
Upphafsár Controlant mörkuðust af tilraunum stofnendanna bæði við að þróa lausnina og einnig að finna út hvernig hún myndi nýtast sem best. Þessar tilraunir leiddu þá m.a. út í byggingariðnaðinn og matvælageirann en áherslan var ávallt sú sama að þróa og framleiða þráðlausa skynjara sem gefa upplýsingar í rauntíma.
Þegar svínaflensufaraldurinn skall á árið 2009 kom þessi tækni sér vel við að vakta bóluefnið gegn flensunni sem var viðkvæmt fyrir hitastigsbreytingum. Fyrsta stóra verkefni Controlant, sem einnig markaði innkomu þess í lyfjageirann var því samningur við Landlækni um að vakta bóluefnin sem komu til Íslands. Sama ár vann Controlant Gulleggið, sem er stærsta frumkvöðlakeppni Íslands og tryggði sér í kjölfarið fjármögnun til að styðja við frekari vöxt fyrirtækisins.
Controlant hélt áfram að þróa lausn sína í takt við tækniþróun og þarfir viðskiptavina sinna og árið 2017 var tekin ákvörðun um að leggja áherslu á lyfjageirann og á það að fá stærstu lyfjaframleiðendur heims í viðskipti.
Lausn Controlant kom að góðum notum í lyfjageiranum og árið 2019 var fyrirtækið komið í viðskipti við flest af stærstu lyfjafyrirtækjum heims, þar á meðal Pfizer sem er stærsta lyfjafyrirtæki í heimi. Þegar að heimsfaraldurinn skall á 2020 gegndi Controlant lykilhlutverki í dreifingu og geymslu COVID-19 bóluefnis Pfizers og vakti árangurinn í dreifingunni mikla athygli í lyfjageiranum en 99,998% bóluefnisins komst heilt á áfangastað sem er áður óþekktur árangur.
Ævintýralegur vöxtur í kjölfar heimsfaraldurs
Í kjölfar samningsins við Pfizer um að vakta dreifingu á COVID-19 bóluefnunum stækkaði Controlant hratt. Í árslok ársins 2019 störfuðu rétt rúmlega 50 manns hjá fyrirtækinu en í árslok 2021 voru þeir orðnir 350 talsins. Á árinu 2021 tífölduðust tekjur félagsins og námu 68 milljónum Bandaríkjadala.
Nú, 15 árum eftir að Controlant var stofnað af 5 vinum sem deildu brennandi áhuga á nýsköpun og tækni er Controlant orðið að leiðandi hátæknifyrirtæki á sínu sviði með 370 starfsmenn og starfsstöðvar á Íslandi, Bandaríkjunum, Póllandi, Danmörku og Hollandi.
Viðskiptavinir og framtíðarsýn
Viðskiptavinir Controlant eru lyfja-, matvæla- og flutningafyrirtæki á heimsvísu. Daglega vakta lausnir Controlant viðkvæman og verðmætan varning út um allan heim og koma þannig í veg fyrir sóun og auka sjálfbærni en framtíðarsýn Controlant er að útrýma sóun í verðmætustu virðiskeðjum heimsins með hugvit og tækni að leiðarljósi.
Controlant hf.
Atvinnugreinar
Upplýsingar
Lesa bókina