Fasteignamarkaðurinn ehf

Fasteignamarkaðurinn ehf. hefur verið meðal þekktustu fasteignasala landsins í áratugi og haldið stöðugri starfsemi á Óðinsgötu í Reykjavík. Undanfarin fimm ár hefur fyrirtækið lagt áherslu á fagmennsku og traust í þjónustu, með reynslumiklu teymi þar sem löggiltir fasteignasalar mynda kjarnann. Á þessum tíma hefur félagið verið álitinn áreiðanlegur samstarfsaðili í fasteignaviðskiptum og hlotið viðurkenningu sem framúrskarandi fyrirtæki, sem endurspeglar góða rekstrarhæfni og sterka stöðu á markaði. Fasteignamarkaðurinn hefur einnig haldið áfram að byggja upp tengsl við einstaklinga, fyrirtæki og opinbera aðila, og verið virkur þátttakandi í þróun fasteignamarkaðarins.

Fasteignamarkaðurinn er ein af eldri starfandi fasteignasölum landsins en reksturinn hefur staðið óslitið í hartnær 40 ár. Á þessum tíma hefur Fasteignamarkaðurinn áunnið sér gott orðspor fyrir trausta og góða þjónustu og er ein af þekktari fasteignasölum í dag.
Fasteignamarkaðurinn hóf starfsemi 2. maí árið 1982 að Óðinsgötu 4 í Reykjavík og hefur verið þar til húsa allar götur síðan. Stofnendur Fasteignamarkaðarins voru hjónin Jón Guðmundsson lögg. fasteignasali og Ásdís Þórðardóttir lögg. fasteignasali.  Jón hafði þá starfað í 10 ár við fasteignasölu hjá Eignamiðlun, elstu starfandi fasteignasölu á Íslandi. Ásdís féll frá langt um aldur fram árið 1991 og fljótlega eftir það kom Guðmundur Theodór sonur þeirra inn í reksturinn og eru þeir feðgar eigendur Fasteignamarkaðarins ehf. í dag.

Mannauður
Starfsfólk Fasteignamarkaðarins hefur um mörg undanfarin ár talið 7 manns auk sendils í hlutastarfi, þar af 5 löggiltir fasteignasalar. Starfsfólkið býr yfir yfirgripsmikilli reynslu og þekkingu á öllum hliðum fasteignaviðskipta og hefur reksturinn í höndum þess skilað miklum og góðum árangri.
Jón Guðmundsson hefur yfirgripsmikla reynslu og þekkingu á fasteignamarkaði hvar hann hefur starfað í hartnær hálfa öld. Jón hefur tíðum verið dómkvaddur matsmaður í fjölda dómsmála sem varða fasteignaviðskipti og auk þess setið sem meðdómandi í fjölda slíkra mála við héraðsdómstóla. Jón sat í stjórn Félags fasteignasala í 9 ár og þar af 6 ár sem formaður félagsins við góðan orðstýr.

Fyrirmyndarfyrirtæki
Fasteignamarkaðurinn ehf. hefur verið valinn í hóp “Fyrirmyndarfyrirtækja í rekstri” af Creditinfo og erum við mjög stolt af þeim árangri sem náðst hefur í rekstrinum frá því að verulega dró saman í sölu fasteigna árið 2008 í kjölfar “efnahagshrunsins” og hefur velta fyrirtækisins aftur aukist jafnt og þétt allt frá þeim tíma.

Einkunnarorð
Einkunnarorð Fasteignamarkaðarins ehf. eru „í traustum höndum í áratugi” og logo fasteignasölunnar hefur vakið mikla athygli fyrir fallega hönnun en það mótar mynd af höndum sem halda utan um og mynda hús.

Viðskiptin
Fasteignamarkaðurinn hefur á starfstíma sínum aflað fjölda viðskiptasambanda og eru viðskiptavinir fasteignasölunnar allt frá einstaklingum og fyrirtækjum yfir til opinberra stofnana, banka og sveitarfélaga. Fasteignamarkaðurinn hefur í gegnum tíðina fjallað um mörg af stærstu fasteignaviðskiptum hvers tíma, þ.m.t. sölu og leigu stórs atvinnuhúsnæðis og sölu mjög umfangsmikils byggingarréttar undir íbúðar- og atvinnuhúsnæði.
Rekstrarumhverfi
Frá því að Fasteignamarkaðurinn ehf. var stofnaður hefur mjög margt breyst í rekstrarumhverfi viðskipta með fasteignir. Á fyrstu árum starfseminnar voru lýsingar eigna handskrifaðar og geymdar í möppum og kaupsamningar útbúnir með ritvélum og með kalkípappír. Fyrir um 30 árum síðan varð svo bylting í þessum efnum þegar tölvurnar komu til sögunnar og var Fasteignamarkaðurinn ein fyrsta fasteignasalan til að taka þá tækni í sína þjónustu.

Traustur grunnur
Fasteignaviðskipti eru jafnan stærstu viðskipti sem fólk á í um ævina þar sem aleiga er jafnan undir í viðskiptunum auk mikilla skuldbindinga til langrar framtíðar. Í ljósi þess er hyggilegt að að leita til fasteignasölu sem byggir viðskipti sín á traustum grunni, mikilli reynslu og hefur vönduð vinnubrögð að leiðarljósi eins og við á Fasteignamarkaðinum ehf. höfum tileinkað okkur í okkar rekstri.