HEGAS var stofnað árið 1988 af Axel Eyjólfssyni og fjölskyldu en Axel kaupir síðan aðra hluthafa út árið 2005.

Starfsemin
HEGAS er heildsölufyrirtæki sem sérhæfir sig í þjónustu og innflutningi á hráefnisvörum fyrir tréiðnaðinn. Með árunum hefur vöruúrval verið aukið til muna og segja má að í dag bjóði það uppá allt frá litlum skrúfum uppí tölvustýrðar vélasamstæður.

Aðsetur
Fyrst um sinn fór starfsemin fram í 180 fm leiguhúsnæði að Smiðjuvegi 16, í Kópavogi, en flutti 1993 í rúmlega 425 fm eigið húsnæði að Smiðjuvegi 8. Þann fyrsta maí 2000 flutti svo starfsemin í núverandi húsnæði að Smiðjuvegi 1. Upphaflega átti HEGAS hluta af húsnæðinu, en það er nú alfarið í eigu HEGAS u.þ.b. 3000 fm þar sem öll starfsemi fyrirtækisins fer fram.

Mannauður
Í dag vinna 15 starfsmenn hjá HEGAS og hafa flestir margra ára reynslu og þekkingu á vörum fyrirtækisins, auk þess sækja reglulega námskeið hjá birgjum til að hafa sem besta þekkingu á vörum og vöruþróun.

Framúrskarandi fyrirtæki
Þrátt fyrir þær sviftingar sem verið hafa í þjóðfélaginu þau rúm 30 ár sem fyrirtækið hefur starfað, hefur HEGAS verið í hóp þeirra fyrirtækja sem uppfylla skilyrði Creditinfo sem Framúrskarandi fyrirtæki frá upphafi þeirra skráningar. HEGAS er leiðandi fyrirtæki á sínu sviði með áherslu á framúrskarandi þjónustu við íslensk fyrirtæki í tréiðnaði, þar sem fagmennska á öllum sviðum rekstrar og þjónustu er höfð að leiðarljósi.