Það voru hjónin Hjörleifur Björnsson og Sara Katrín Stefánsdóttir sem stofnuðu Lagnaafl ehf. árið 2008. Fyrirtækið hóf þó ekki rekstur að marki fyrr en 2010. Þau eru núverandi eigendur Lagnaafls ehf.

Starfsemin
Starfsemin felst í pípulögnum – bæði nýlögnum og viðhaldi. Lagnaafl ehf. hefur fengist mikið við vinnu í skipum. Á meðal stórra verka á því sviði má nefna nýlagnir fyrir Skinney-Þinganes í skip þeirra, Steinunni og Þinganes. Einnig sá Laganaafl ehf. um nýlagnir í skipin Vörð og Áskel fyrir útgerðarfélagið Gjögur.

Starfsfólk
I upphafi var Hjörlefur eini starfsmaður fyrirtækisins en á síðasta áratug hefur starfsmannafjöldinn vaxið jafnt og þétt og hæst komist í 15 manns tímabundið en nú eru starfsmenn alls sjö talsins, þar af einn verktaki.

Aðild
Lagnaafl ehf. er aðili að Félagi pípulagningameistara en þar var Hjörleifur varaformaður um tveggja ára skeið.

COVID-19
Í COVID-faraldrinum var öllum reglum Almannavarna um sóttvarnir fylgt vandlega til að forðast innbyrðis smit. Tókst það án áfalla.

Gott orðspor
Lagnaafl ehf. nýtur góðs orðspors og umsagna. Ekki hefur verið ástæða til að auglýsa starfsemina sérstaklega þar eð alltaf eru verkefni fyrir hendi eða í augsýn.

Samfélagsmál
Lagnaafl ehf. sýnir samfélagslega ábyrgð með því að styðja við góð málefni. Körfuknattleiks-deild Tindastóls á Sauðárkróki hefur verið styrkt sérstaklega og verður það að teljast skiljanlegt í ljósi þess að Hjörleifur er Skagfirðingur að uppruna.
Römm er sú taug er rekka dregur föðurtúna til.