LARSEN hönnun og ráðgjöf ehf. var stofnað árið 2015 af byggingafræðingnum og húsa-smíðameistaranum Bent Larsen Fróðasyni sem jafnframt er eini eigandi fyrirtækisins.
Megin starfsemi fyrirtækisins er almenn hönnun á byggingum, þ.e.a.s arkitektúr og burðarþol bygginga, en samhliða því hefur fyrirtækið staðið að byggingaframkvæmdum
öll árin sem og útleigu fasteigna. Fljótlega eftir stofnun fyrirtæksins kom til starfa
Eva Björk Birgisdóttir tækniteiknari og í janúar 2019 bættist í hópinn Leifur Örn Leifsson
tæknifræðingur og haustið 2020 bættist í hópinn Jódís Ásta Gísladóttir byggingafræðingur.
Síðan um mitt árið 2021 bættust við Þórunn Sigþórsdóttir tækniteiknari og Ólafur Tage
Bjarnason byggingafræðingur. Í dag hefur fyrirtækið yfir að ráða miklum fjölbreytileika
hæfileikaríks fólks. Í byggingarhluta fyrirtækisins er notast við ýmsa undirverktaka á
svæðinu. Við ráðningar á starfsfólki hefur verið leitast við að ná inn sem mestri þekkingu
og hæfni starfsmanna til að geta tekist á við stærri og meira krefjandi verkefni.
Rekstur og aðsetur
Rekstur fyrirtækisins skiptist upp í fjóra meginþætti, hönnun húsbygginga, byggingarstjórn
framkvæmda sem og byggingaframkvæmdir á eigin vegum og útleiga húsnæðis. Fyrirtækið
hóf starfsemi sína að Austurvegi 6 á Selfossi en flutti síðan árið 2018 að Eyravegi 15 á Selfossi.
Árið 2019 flutti skrifstofan að Austurvegi 38 og síðan um mitt árið 2021 í fallegt og bjart húsnæði rúmlega 100 fm sem staðsett er í Sigtúni 3, með átta starfsstöðvar og sex heilsársstöðugildi.
Allir þessir flutningar hafa verið nauðsynlegir vegna stækkunar stofunnar.
Framtíðarsýn og markmið
Framtíðarsýn fyrirtækisins lítur nokkuð vel út miðað við núverandi verkefnastöðu og berum við miklar væntingar til næstu ára er varðar bæði hönnunarverkefni sem og byggingarframkvæmdir. Markmið stofunnar er að hanna byggingar sem henta vel hverju
verkefni fyrir sig, sérstaklega með þarfir og nýtingu þeirra notkunar sem ætlast er til. Einnig
að skila vönduðum vinnubrögðum til okkar viðskiptavina. Mikil áhersla hefur verið lögð á
það í stofunni að skila af sér teikningum sem eru auðlesnar og einfaldar til framkvæmda
fyrir okkar viðskiptavini.
Verkefni
Helstu verkefni stofunnar eru hönnun á einbýlishúsum, parhúsum, raðhúsum, fjölbýlishúsum,
hesthúsum, reiðhöllum, fjósum, hótelum sem og ýmsum öðrum byggingum. Mikill fjölbreytileiki er því á allri hönnun á stofunni sem og skiptingu verkefna á öllu landinu þó allra mest af verkefnum komi frá Suðurlandsundirlendinu. Viðskiptavinir stofunnar spanna allt frá einstaklingum til stórra framkvæmdaaðila, þó stærsti hlutinn komi frá verktökum á svæðinu sem leitar til stofunnar vegna persónulegrar, góðrar og skilmerkilegrar þjónustu og samskipta. Einnig tókum við þátt í mjög skemmtilegu verkefni árin 2017-2019 sem var uppbyggingferðaþjónustu í Biskupstungum þar sem byggt var í gömlum torfhúsastíl og leitast var við að hafa alla hönnun eins upprunalega og hún var í gamla daga, bæði að utan sem og að innan.
© 2023 Sagaz ehf | Allur réttur áskilinn | Skilmálar & persónuvernd