Parket & Gólf hefur verið starfrækt í rúm 30 ár og er orðið ansi vel þekkt vörumerki hér á landi í gólfefnabransanum. Starfsemi okkar felst í innflutningi og sölu á gólfefnum frá viðurkenndum framleiðendum víða í Evrópu og Bandaríkjunum. Stærstu vöruliðirnir eru parket og gólfteppi. Parket & Gólf hefur einnig sérhæft sig í sölu á íþróttagólfum. Starfsemi Parket & Gólf er í u.þ.b. 650 fm húsnæði að Ármúla 19 í Reykjavík. Hjá fyrirtækinu starfa að jafnaði 8 starfsmenn sem vinna þétt saman og hafa góða samvinnu sín á milli. Fagmennska, þekking og reynsla starfsmanna fær með sönnu að njóta sín.

Bakgrunnur og framgangur fyrirtækisins
Parket & Gólf var stofnað árið 1988 og var megin rekstur félagsins innflutningur og sala á parketi. Stepp ehf. sem á og rekur verslunina í dag, var stofnað árið 2000 af Þorgeiri Björnssyni. Stepp sérhæfði sig í innflutningi og sölu á gólfteppum og gólfdúkum. Árið 2009 voru þessar tvær verslanir sameinaðar undir einu þaki og eru reknar í dag undir nafninu Parket & Gólf. Verslunin er staðsett í Ármúla 19, 108 Reykjavík. Núverandi framkvæmdastjóri Parket & Gólf er Elías H. Melsted.
Öll þessi ár hefur Parket & Gólf einbeitt sér að því að veita fyrst og fremst persónulega þjónustu og hefur vöruúrvalið og þekking starfsmanna vaxið með ári hverju. Við höfum leitast við að fylgjast með því nýjasta í stefnu og straumum hverju sinni með því að sækja sýningar og námskeið jafnt erlendis sem og innanlands.

Starfsemin í dag
Vöruúrval er fjölbreytt og býður Parket & Gólf t.d. upp á viðarparket í öllum stærðum og gerðum hvort sem um gegnheilt eða spónlagt er að ræða. Harðparket í nokkrum stærðum og þykktum sem henta vel hinum ýmsu álagsflötum. Disano parket sem er 100% umhverfisvænt gólfefni frá Þýskalandi og hentar á öll rými, líka votrými. Veggjaklæðningu með áföstu lími sem auðveldar ásetningu til muna. Gólfteppi eru í öllum þykktum og gerðum, jafnvel sérofin gólfteppi með munstri eru engin fyrirstaða. Nærri 2.000 mismunandi gerðir teppaflísa eru í boði. Slitsterkur ofinn vinyldúkur frá Svíþjóð. Vandað vinyl veggfóður á alla veggi. Mottur í stöðluðum stærðum eða sérsniðnar eftir þörfum viðskiptavina. Dreglar í mörgum litum sem og margar gerðir af íþróttagólfum er aðeins brot af því sem Parket & Gólf býður upp á. Helstu viðskiptavinir Parket & Gólf koma úr röðum fyrirtækja, verktaka, sveitarfélaga, íþróttafélaga, húsfélaga og einstaklinga víðs vegar um landið. Auk þess höfum við verið í nánu samstarfi við hina ýmsu hönnuði og arkitekta til margra ára. Allar nánari upplýsingar um vörur Parket & Gólf má nálgast inn á vefsíðunni www.pog.is