Fyrirtækið var stofnað 4. janúar 1958 að Arkarlæk í Skilmannahreppi. Upphaflegir aðaleigendur Guðjón og Valdimar Guðmundssynir höfðu þá fest kaup á dragskóflu til að grafa framræsluskurði. Voru það aðalverkefni fyrirtækisins næstu 10 árin.

Fyrirtækið
Árið 1966 keypti fyrirtækið einnig eina af fyrstu vökvagröfunum sem fluttar voru til landsins.
Upp úr 1970 hóf fyrirtækið rekstur á Akranesi við ýmsa jarðvinnu tengda byggingastarfsemi. Á sama tíma keypti fyrirtækið bílkrana og annaðist eftir það hífingar við löndun úr bátum og hífingar við byggingastarfsemi á Akranesi.

Verkefnin
Árið 1976 flutti fyrirtækið í eigið húsnæði á Akranesi. Upp frá því hefur það starfað við fjölþætta þjónustu og almenna verktakastarfsemi, húsbyggingar, vegagerð, gatnagerð, sjóvarvarnagarða, hafnarmannvirki og fleira.