Trésmiðjan Stígandi ehf

2025

Viðburðaríkt ár

[acf_repeater_gallery repeater="company_timeline" gallery="section_images"]

Árið 2025 reyndist sérstaklega viðburðaríkt fyrir fyrirtækið. Á aðalfundi þess árs kom fram að félagið hefði skilað hagnaði árið á undan og að verkefnastaðan væri sterk, þótt minna væri um verkefni í nærsamfélaginu en áður. Nokkur stór verkefni voru hins vegar unnin utan heimahéraðs og tryggðu öflugan rekstur. Þar má nefna innréttingavinnu í leikskóla í Hveragerði, þar sem allar innréttingar voru smíðaðar á verkstæðinu á Blönduósi. Einnig vann fyrirtækið sem aðalverktaki við annan áfanga byggingar leikskóla í Varmahlíð, auk þess að byggja parhús við Holtabraut á Blönduósi með það að markmiði að klára verkið fyrir áramót, ef tími leyfði samhliða öðrum verkum. Fjölmörg smærri verkefni voru auk þess í gangi og lögð áhersla á að þjónusta heimabyggðina eftir bestu getu.

Á sama tíma vann fyrirtækið að endurskipulagningu á innra starfsemi sinni. Markmiðið var að auka skilvirkni, bæta verkferla og styrkja deildir fyrirtækisins — bæði á verkstæði og í útideild. Með breytingunum var horft til framtíðar og lagður grunnur að enn markvissari og sjálfbærari rekstri.

Á aðalfundi árið 2025 var ný stjórn kjörin og í henni sitja Tryggvi Sveinbjörnsson, Jóhannes Torfason og Helgi Svanur Einarsson. Framkvæmdastjóri fyrirtækisins er Guðmundur Þór Elíasson og meðal stærstu eigenda eru Ámundakinn og Kaupfélag Skagfirðinga.
2024

Vöxtur og styrking

Trésmiðjan Stígandi ehf., með aðsetur á Blönduósi, er eitt elsta starfandi bygginga- og trésmíðafyrirtæki landsins og hefur í áratugi sérhæft sig í innréttingum, mannvirkjagerð, sérsmíði og fjölbreyttum byggingarverkefnum. Um 20 starfsmenn mynda kjarnann í starfseminni, þar sem fagmennska, handverk og sérhæfð þekking hafa verið leiðarljós í rekstrinum.

Á árunum 2023 og 2024 hélt fyrirtækið áfram að vaxa og styrkja stöðu sína á markaði. Áherslan á sérsmíðaðar innréttingar, tréstiga, líkkistur, sumarhús og smáhýsi jókst, og verkefnin dreifðust um allt land. Nútímalegt og vel búið verkstæði gerði starfsmönnum kleift að taka að sér flókin og tæknileg verkefni fyrir einstaklinga, fyrirtæki og opinbera aðila. Á þessum árum hélt Stígandi áfram að byggja upp gott samstarf við arkitekta og hönnuði og skapa lausnir sem samræmast bæði faglegum kröfum og þörfum viðskiptavina.
2022

Samantekt úr Ísland 2020, atvinnuhættir og menning

Hraðhús.

Verkefni unnið af Samvirkni og Stíganda.

Verkefni unnið af Samvirkni og Stíganda

Eldhúsinnrétting.

Eldhúsinnrétting á Vitastíg.

[acf_repeater_gallery repeater="company_timeline" gallery="section_images"]

Stígandi ehf. var stofnaður 1. maí 1947 og er fyrirtækið því í hópi elstu byggingafyrirtækja á Íslandi. Fyrirtækið er í eigu Ámundarkinnar, KS, Guðmundar Kemp, Guðmundar Arnars Sigurjónssonar og Hjartar Karls Einarssonar. Um 20 manns skipa að jafnaði samheldinn hóp sem hefur fagmennsku og vönduð vinnubrögð að leiðarljósi. Flestir í hópnum eru fagmenntaðir smiðir og/eða hafa mjög mikla reynslu í starfi. Þekking þeirra og útsjónarsemi ásamt vönduðum tækjabúnaði gerir félaginu kleift að leysa flókin verkefni af ýmsu tagi.

Fyrirtækið hefur um árabil átt gott samstarf við færustu arkitekta landsins
Hnökralaus samskipti hönnuða og framkvædaaðila eru lykillinn að vel hepnuðu verkefni ásamt faglegum vinnubrögðum. Ánægður viðskiptavinur á að vera sameiginlegt keppikefli þessara aðila.

Innréttingar og smíði
Innréttingar af öllu tagi eru framleiddar á tæknivæddu verkstæði Stíganda. Þrautreyndir starfsmenn eru viðskiptavinum til ráðgjafar varðandi efnisval og útfærslur. Möguleikarnir eru endalausir. Staðsetning skiptir engu máli, við þjónustum viðskiptavini hvar sem er á landinu. Stígandi smíðar tréstiga af öllum stærðum og gerðum með því að samnýta fullkomnar tölvustýrðar vélar og dýrmæta reynslu iðnmeistara okkar af gömlu handbragði.
Stígandi framleiðir vandaðar líkkistur, bæði hvítar og spónlagðar, með viðartegund að vali kaupanda. Spónlögðu kisturnar hafa hlýlegt útlit gegnheillar viðarkistu en eru á mun hagkvæmara verði.

Hraðhús
Stígandi framleiðir sumarhús og smáhýsi til flutnings hvert á land sem er. Við leggjum áherslu á gæði og fagleg vinnubrögð í hvívetna og aðlögum teikningar og efnisval að væntingum viðskiptavinarins. Húsin eru afgreidd á byggingarstigi að vali kaupenda, en við getum annast alla þætti byggingarinnar, þ.m.t. teikningar, byggingarstjórn, leyfisumsóknir, flutning og hvaðeina annað sem þarf. Við hönnun Hraðhúsanna höfum við kappkostað að gera þau meðfærileg og þægileg í flutningi og uppsetningu. Bílkrani nægir til hífinga og því ekki þörf að fá stóran krana sérstaklega í verkið, með tilheyrandi kostnaði. Undirstöður eru jafnframt hannaðar þannig að þær koma á grófjafnaðan malarpúða og eru mjög fljótlegar í uppsetningu. Hraðhúsin eru tilvalin í ferðaþjónustuna.