Trésmiðjan Val ehf

Trésmiðjan Val var stofnuð 1. ágúst 1994 af þeim Benedikt Kristjánssyni og Kristjáni Ben Eggertssyni. Í ársbyrjun 1998 var félaginu breytt úr sameignarfélagi í einkahlutafélag. Benedikt er húsasmíðameistari og Kristján Ben er skipasmíðameistari.

Starfsemin
Starfsemin hefur snúist um almenna verktakavinnu í smíði og viðhaldi húsa og svo viðhaldi skipa og báta sem hefur verið vaxandi með stækkandi flota eikarskipa á Húsavík, frá því að hvalaskoðun hóf starfsemi sína árið 1994.

Starfsmenn og aðsetur
Í dag er starfsmannafjöldi 5 en hefur í gegnum árin verið frá 5 -12 manns.
Starfsemin er enn í húsnæði að Höfða 5, sem Benedikt og Kristján Ben byggðu árið 1995, en fyrsta árið var starfsemin í bílskúr Benedikts.

Verkefni
Helstu verkefni síðustu ára eru viðhaldsverkefni á eignum ríkisins á Húsavík og í nær- sveitum, trésmiðjan Val hefur átt gott og farsælt samstarf við mörg fyrirtæki á svæðinu og er sem dæmi hægt að nefna Norðursiglingu sem gerir hér út nokkurn fjölda tréskipa.
Val sér einnig um viðhald á Húsavíkurkirkju ásamt öðrum eignum sóknarinnar.