[searchwp_form id=3]
Árið 2023 urðu þáttaskil í rekstri Vélfag ehf. þegar fyrirtækið var keypt af félaginu Titania Trading. Þrátt fyrir þessi eigendaskipti hélt fyrirtækið áfram sinni hefðbundnu starfsemi við þróun og framleiðslu fiskvinnsluvéla og engar stórar opinberar breytingar voru skráðar það ár.
Heildarlausnir í fiskvinnslu.
Tölvustýrð flökunarvél.
Bjarmi og Ólöf taka á móti hvatningarverðlaunum hjá Jens Garðari Helgasyni, formanni SFS.
Vélfag Baldursnesi Akureyri.
Fiskvinnslulína .
Samsett heildarlausn Vélfags, Innmötun, hausun, flökun og roðdráttur
Vélfag ehf. var stofnað árið 1995 af hjónunum Bjarma Sigurgarðarssyni og Ólöfu Ýr Lárusdóttur sem eiga og reka fyrirtækið enn þann dag í dag. Fyrirtækið sem stofnað var á Ólafsfirði, var upphaflega einungis í því að þjónusta sjávarútvegsfyrirtæki á Norðurlandi og sjá um viðhald á tækjabúnaði þeirra, en fór síðar út í framleiðslu á eigin vélbúnaði til fiskvinnslu um borð í frystitogurum og í landvinnslu. Fyrirtækið framleiðir í dag hausara, flökunarvélar og roðdráttarvélar til bolfiskvinnslu, og selur þessi tæki um allan heim. Vélfag hefur á síðustu árum verið verðlaunað fyrir störf sín í nýsköpun í sjávarútvegi, meðal annars fengið íslensku sjávarútvegsverðlaunin fyrir að vera framúrskarandi íslenskur framleiðandi á fiskvinnslutæki/fiskmeðhöndlun.
Einnig fengu hjónin Bjarmi og Ólöf hvatningarverðlaun Samtaka fyrirtækja í sjávarútvegi árið 2018.
Vinnulag og framleiðsluferli
Vélfag er eitt af þeim íslensku tæknifyrirtækjum sem eru í forystu í þróun og hönnun fiskvinnslubúnaðar á heimsvísu.
Nær allir íhlutir fiskvinnsluvéla sem Vélfag framleiðir eru hannaðir, smíðaðir og samsettir innan veggja Vélfags.
Vélfag hefur á síðustu árum fjárfest mikið í innviðum og má þar nefna kaup og flutninga í nýjar höfuðstöðvar og framleiðsluhúsnæði á Akureyri árið 2019 og fjárfestingar samhliða því í nýjum CNC framleiðsluvélum (tölvustýrðum rennibekk og fræsivél).
Starfsfólk og aðsetur
Vélfag er með starfsemi í Ólafsfirði og Akureyri og starfa um 20 manns hjá fyrirtækinu með víðtæka menntun og reynslu úr sjávarútvegi, verkfræði og tengdum greinum.
Höfuðstöðvarnar eru í Baldursnesi 2, Akureyri, en þar eru framleiðsla, samsetning og lager auk skrifstofa. Á Múlavegi 18 á Ólafsfirði er fyrirtækið með starfsemi við framleiðslu og samsetningu fiskvinnsluvéla.
Framtíðarsýn
Framtíðarhorfur Vélfags eru að halda áfram að vaxa sem fyrirtæki og þróa nýjan og betri búnað til nota í fiskvinnslum framtíðarinnar.
Vélfag ehf.
Atvinnugreinar
Upplýsingar
Lesa bókina