Verkalýðsfélag Snæfellinga

2025

Stjórn staðfest

[acf_repeater_gallery repeater="company_timeline" gallery="section_images"]

Á árinu 2025 hélt félagið áfram að efla félagsstarf og réttindi. Í janúar voru greiddar út greiðslur úr Félagsmannasjóði fyrir árið 2024, í samræmi við reglur sjóðsins. Í maí var haldinn aðalfundur þar sem farið var yfir starfsemi og samninga, og sama mánuð stóð félagið fyrir dagskrá á 1. maí í tilefni alþjóðlegs baráttudags verkalýðsins. Á aðalfundinum 2025 var staðfest stjórn félagsins:
Formaður: Vignir Smári Maríasson (Grundarfjörður), varaformaður: Harpa Björk Eiríksdóttir (Stykkishólmur), ritari: Dana Sif Óðinsdóttir (Snæfellsbær), og meðstjórnendur: Margrét Sigríður Birgisdóttir (Snæfellsbær), Óscar Gunnar Burns (Stykkishólmur), Ólöf Ingibjörg Hallbergsdóttir (Grundarfjörður) og Gerður Silja Kristjánsdóttir (Stykkishólmur).
2024

Fjölbreytt ár

Árið 2024 hófst með greiðslum úr Félagsmannasjóði til þeirra sem störfuðu hjá sveitarfélögum árið áður. Sjóðurinn byggir á framlögum sveitarfélaga sem nema 1,5% af heildarlaunum starfsmanna, en frá 1. apríl 2024 hækkaði framlagið í 2,2% samkvæmt nýjum kjarasamningi. Úthlutun fer fram árlega í febrúar fyrir árið á undan, og greiðslurnar eru skattlagðar hjá viðkomandi félagsmanni án staðgreiðslu. Í febrúar var undirritaður nýr kjarasamningur fyrir sjómannadeild félagsins, og í mars tók félagið þátt í gerð kjarasamnings Landssambands íslenskra verslunarmanna við Samtök atvinnulífsins sem tryggði launahækkanir, aukin orlofsréttindi og heimild til fjarvinnu. Um sumarið samþykkti félagið samninga við sveitarfélög í samstarfi við önnur stéttarfélög innan SGS. Á haustmánuðum gaf félagið út ályktun í kjölfar umfjöllunar um slæman aðbúnað erlendra starfsmanna og launaþjófnað á Vesturlandi.
2023

Virkur þátttakandi

[acf_repeater_gallery repeater="company_timeline" gallery="section_images"]

Á árinu 2023 tók Verkalýðsfélag Snæfellinga virkan þátt í baráttudegi verkalýðsins 1. maí með samkomum og mótmælum á Snæfellsnesi. Í október stóð félagið með kvennaverkfallinu sem haldið var til að vekja athygli á kynbundnum launamun. Í lok árs minnti félagið á rétt félagsmanna til desemberuppbótar og kynnti breytingar á reglum fræðslusjóða um styrki til náms erlendis.
2022

Samantekt úr Ísland 2020, atvinnuhættir og menning

Ólafsvík.

Vignir S. Maríasson, formaður heldur ræðu á sjómannadaginn 2019.

Hellissandur.

Rif.

Stykkishólmur.

Grundarfjörður.

Verkalýðsfélag Snæfellinga er samsett úr mörgum eldri verkalýðsfélögum og nær saga félagsins allt aftur til ársins 1915, en þá var Verkalýðsfélag Stykkishólms stofnað, núverandi félag verður til árið 2008 við sameiningu Verkalýðsfélags Stykkishólms, Verkalýðsfélagsins Stjörnunnar Grundarfirði og Verkalýðsfélags Snæfellsbæjar.
Verkalýðsfélag Snæfellinga er deildaskipt félag, innan þess eru auk almennrar deildar, sjómannadeild, deild verslunar- og skrifstofufólks og deild starfsfólks hjá ríki og sveitarfélögum. Félagið er því aðili að Starfsgreinasambandi Íslands, Sjómannasambandinu og LÍV sem eru svo aðilar að Alþýðusambandi Íslands.

Stjórn
Stjórn félagsins er kosin af félagsmönnum á aðalfundi til tveggja ára í senn, kosið er um helming stjórnar á hverjum aðalfundi. Árið 2020 eru eftirfarandi í stjórn félagsins: Vignir S. Maríasson formaður, Jóhanna Steingrímsdóttir varaformaður, Dana Sif Óðinsdóttir ritari, meðstjórnendur eru Bergvin Sævar Guðmundsson formaður sjómannadeildar, Ólöf Hallbergsdóttir, Margeir Ingi Rúnarsson og Dallilja Inga Steinarsdóttir.

Starfsemi
Verkalýðsfélag Snæfellinga sér um kjarasamningagerð fyrir félagsmenn sína við þá viðsemjendur sem hafa atvinnustarfsemi á Snæfellsnesi, þar eru helst Samtök atvinnulífsins, Samtök fyrirtækja í sjávarútvegi, sveitarfélögin, ríkið, Landssamband smábátaeigenda, Samband smærri útgerða og Bændasamtökin. Starfsemi verkalýðsfélagsins er fjölbreytt, félagið aðstoðar þá félagsmenn sem á þurfa að halda í samskiptum við atvinnurekendur vegna launamála, ráðningasamninga og öllu því er viðkemur vinnumarkaðnum, fylgir því eftir að kjarasamningar séu virtir á félagssvæðinu með vinnustaðaeftirliti. Baráttan um betri réttindi fyrir verkafólk er helsta viðfangsefni félagsins og hefur verið í rúm hundrað ár ásamt því að verja áunnin réttindi, sú barátta mun halda áfram um ókomna tíð því alltaf verður þörf fyrir að verja kjarasamningsbundinn rétt verkafólks. Félagið mun í framtíðinni vera það sameiningar- og baráttuafl sem það á að vera til að þjóna þeim fjölbreytta hóp sem félagsmenn þess eru.
Hjá félaginu eru þrír starfsmenn auk formanns sem sjá um afgreiðslu mála sem upp koma og aðra starfsemi er viðkemur félaginu.

Aðsetur
Félagið rekur þrjár skrifstofur, aðalskrifstofan í Ólafsvík en einnig eru skrifstofur í Grundarfirði og Stykkishólmi.